Consello da Xuventude de Galicia

VII Escola de Formación de axentes de saúde

Curso de Formación de mediadoras/es xuvenís en educación afectivo sexual e prevención da transmisión do VIH-sida

[20/11/2006 10:00 - 23/11/2006 20:00] Na Casa da Xuventude do 20 ao 23 de novembro.

Listado de Admitidos/as

Para o Consello da Xuventude de Galicia a formación de axentes de saúde ten como finalidade achegarlles recursos ás entidades a través da capacitación das persoas que colaboran coas asociacións xuvenís na realización de actividades promotoras da saúde.

Partindo da necesidade de que debemos seguir insistindo na prevención de riscos para a saúde en todos os espazos que ocupan os mozos e mozas no seu tempo libre (incluído o ámbito asociativo), teremos que persistir na prevención da transmisión do VIH-sida, a través tanto das actividades que se realicen de xeito específico coma das mensaxes que se están a transmitir noutros ámbitos (linguaxe publicitaria, crenzas do grupo de iguais, estereotipos etc.). Entendemos, polo tanto, que é oportuno achegar unha formación básica, en contidos e habilidades, ás persoas que colaboran na dinamización das entidades para afrontar de xeito adecuado as ditas actuacións.

Deste xeito, o Consello da Xuventude de Galicia, a través da realización do curso "Formación de mediadoras/es xuvenís en educación afectivo sexual e prevención da transmisión do VIH-sida" pretende:

• Favorecer a formación e actualización de coñecementos dos axentes sociais implicados nas accións educativo-preventivas e de sensibilización dirixidas á mocidade.
• Promover a comprensión da sexualidade como unha construción na que se relacionan o biolóxico, o cognitivo, o afectivo e o cultural.
• Favorecer a identificación das situacións e prácticas sexuais de risco, analizar as posibilidades de transmisión das ETS (enfermidades de transmisión sexual) e as formas máis axeitadas de prevención en cada caso.
• Dar información clara e actualizada en relación coas vías de transmisión do VIH e coas pautas de prevención.

Metodoloxía da actividade:
O curso encádrase no marco da VII Escola de Formación de axentes de saúde, que consta de dúas actividades formativas. A metodoloxía de carácter activo-participativa proposta para a realización do curso de "Formación de mediadoras/es xuvenís en educación afectivo sexual e prevención da transmisión do VIH-sida", centrarase en:

• Facilitar espazos para a comunicación, o debate, o intercambio de experiencias e a revisión de actitudes e estereotipos con relación á sexualidade.
• Facilitar e coñecer estratexias e habilidades como a asertividade e a empatía, que faciliten o afrontamento e a resolución de problemas en torno á sexualidade.
• Revisar e analizar as relacións sexo-xénero respecto á distribución de roles e a vivencia da sexualidade.

Datas das xornadas
20, 21, 22 e 23 de novembro de 2006

Duración
30 horas

Horarios:
Mañás: de 10:00 a 14:00
Tardes: de 16:00 a 20:00

Lugar de realización
Casa da Xuventude de Santiago de Compostela (Praza do Matadoiro, s/n)

Destinatarias/os
Poderán participar 25 mozas e mozos. Terán prioridade aquelas persoas que formen parte de asociacións xuvenís ou teñan algunha experiencia asociativa.

Contidos
Sexo, sexualidade e erótica
Identidade sexual: identidade, rol e orientación sexual

Resposta sexual humana
Anatomía sexual feminina e masculina

Métodos anticonceptivos
Prevención de embarazos non desexados

Revisión de actitudes, valores e normas con respecto á sexualidade
Estereotipos, mitos e tabús en torno á sexualidade

VIH-SIDA: coñecementos xerais sobre o VIH-sida
Formas de transmisión: prácticas de risco e prevención

Orientación individualizada á mocidade: atención e derivación a servizos especializados.

Intervención de grupo: criterios básicos (que, como, para que...)
A figura da mediadora ou mediador xuvenil.
Propostas metodolóxicas: metodoloxía e intervención nas ETS

INSCRICIÓN GRATUÍTA

• No formulario que atoparás ao final desta páxina
• Enviando a ficha de inscrición dos folletos publicitarios ao fax do CXG 981 563 488
• Entregando a ficha de inscrición dos folletos publicitarios nas oficinas do CXG

Data límite para inscrición: 15 de novembro de 2006
Confirmarase a asistencia xa que, se é necesario, se realizará a selección do grupo de participantes.

Documentación

Listado de admitidos/as

Teatro e Acción Social. Encontro do Teatro Galego

II Xornadas Cidadanía e Teatro

[20/11/2006 16:00 - 21/11/2006 20:30] Os días 20 e 21 de novembro terán lugar no Consello da Cultura Galega (CCG) as II Xornadas de Cidadanía e Teatro.

Ditas xornadas están organizadas pola Asociación de actores, directores e técnicos de escena de Galicia, co patrocinio do IGAEM e a Consellería de Cultura e Deporte, así como a colaboración do CCG